الموقع الرسمي للدكتور عمار خليل - القاهرة مصر

دليلك للسفر ك طبيب الي السعودية .. كل الاستفسارات

اعزائي الأطباء  .. دا بوست مهم جدا للي هيسافر للسعودية .. دا يختص بالحياة والمعيشة مش التقديم .. او الكلام دا 

_ ياتري يشتري سيارة جديدة أول ما ييجي ولا مستعملة، ولو جديدة يشتري ايه ومن المعرض ولا البنك ..

بالنسبة لرخصة القيادة اخد ها من مصر ولا مش فارقة
_ ياتري يجيب ايه معاه من مصر، أكل ولبس وأغراض منزل ....
_ ياتري لو واحدة سنجل ممكن تسافر عادي وياتري تسكن في نفس المكان ولا تاخد مكان قريب
_ لو واحدة مش منقبة هل تتنقب في العمل ( سؤال اتسألته كتير ) فترة العمل
_ ايه الأفضل من ناحية المدارس
السعودي ولا المصري ولا الأجنبي ولو مصري يبقي عادي ولا تجريبي
_ هل الأفضل تجيب زوجتك معاك من البداية ولا لأ
_ أفضل مكان للرفاهية في السعودية
_ أفضل نوع جوالات وخط سعودي وباقات النت
_ ايه الشهادات اللي ممكن اخد ها معايا من مصر
وايه هي اللي محتاجة توثيق
_ ايه الدراسة اللى ممكن اتعلمها في السعودية
_ايه أفضل مكان من ناحية حسن التعامل ..
_ايه أفضل شركة تأمين ..
_ ايه الأفضل من ناحية البنوك والتحويلات


ودا اسئلة محتملة .. وفقا لبوست في جروب فتافيت للمقيمين ف السعودية .. كان كتبه الزميل معتز فرج .. 

وهنحط ف الردود برفقاكم اهم التعليقات عليه 

Share on Google Plus

About Dr. Ammar Khalil

د.عمار خليل : أخصائي أمراض الباطنة العامة ( ماجستير القصر العيني ) وعضو الجمعية المصرية للتعليم الطبي المستمر والجمعية المصرية للسكر ودهنيات الدم، نتابع أمراض الكبد والجهاز الهضمي ، أمراض القلب وضغط الدم
    Blogger Comment
    .fb-comments, .fb-comments span, .fb-comments iframe[style] { width: 100% !important; }

2 التعليقات :

  1. Hisham Goda
    ١- سيارة جديدة من البنك
    ٢- هات رخصتك معاك من مصر
    ٣- هات لبس معاك للموسم فقط يعني لو جاي في الصيف هات لبس صيفي
    ٤- السنجل تسافر عادي وتسكن قريب من شغلها
    ٥- النقاب لازم فترة العمل
    ٦-المدارس مصري تجريبي ثم السعودي
    ٧-هات زوجتك بعدك بشهر لما ترتب نفسك
    ٨-للترفيه ( المدينة ومكة طبعا ثم الدمام وجدة
    ٧- آيفون و stc ونت مفتوح فاتورة
    ٨-شهاداتك الدراسية انت واولادك وثقهم خارجية وقنصلية
    ٩-زمالة بريطانية هتفيدك لما ترجع بلدك
    ١٠- كل الاماكن زي بعض المهم الراتب
    وعموما المدن الصغيرة هتحوش فيها كويس
    ١١- التعاونية للتأمين
    ١٢-بنك الراجحي ممتاز

    ردحذف
  2. Mona Salah
    عن تجربه
    1/بالنسبة للسيارة للأفضل يشتري واحده مستعملة وبلاش يبالغ اوى فى سعرها تكون


    معقوله وحالتها كويسه علشان متغلبهوش وخصوصا اللى جاى على عقد حكومه سنه واحده على مايمتحن ويطلع الكارنيه ولو ه يستمر هنا براحته بقى يجيب جديد على حسب ظروفه


    2/الزوجه والأبناء الأفضل يخلص لهم ورقه وهو فمصر بدل مايجى هنا ويعمل استقدام من مصر اوفر له بس هو يسافر قبلهم على ميشوف السكن ويرتب اموره هنا وهما يجوا بعده علشان ميتبهدلوش ولا يتعبوه من الاول

    3/الأكل والملابس بلاش يشيل ملابس كتير من مصر الضرورة فقط لأن هنا الملابس كتيييير والكل بيحب يشترى والأسعار عاديه علشان ميتفجأش باوزان اوفر وهو نازل أن شاءالله
    ا وكمان فى مناطق مبيحتجش اللبس الشتوي اوى
    أما الأكل برده كل حاجه متوفره ماعدا الطيور لو حابب يجيب مجمد معاه كل واحد حسب طبيعة اكله

    4/ الرخصه لو هو بيسوق ومعاه رخصة من مصر يكون احسن هيقدم بس على رخصة هنا واختبار فى يوم وبس أما لو مش معاه من مصر لازم يقدم فى مدرسة القياده الأول بس مش عارفه وقت اد ايه


    5/ التعليم قصه طويله
    فى مدارس مسار مصرى مرخص وفى مجموعات مصريه مش مرخص ويمتحن تبع السفارة وفى الانترناشونال وفى التعليم السعودى وده اقلهم مستوى
    اه المسار أو لمجموعات المصريه عربى ولغات عادى زى مصر بالضبط طبعا بس مش موجوده فى كل المدن أو المناطق فى السعودية
    وكل واحد بيختار على حسب ماهو مقرر لأولاده وقدراتهم

    ردحذف

تابع الدكتور عمار خليل في توتير

ابحث في المدونة عن اي موضوع تريد