أولا- معلومات عامة :
-1- دي شركة أمريكية لتوثيق الشهادات الطبية لخريجي الطب الدوليين اللي هم احنا.-2- ابتداءا من تاريخ 11 يونيه 2018 ، هيكون توثيق شهادة البكالوريوس من خلال الشركة دي أحد متطلبات التسجيل في المجلس الطبي العام البريطاني.
- 3 - ده معناه إن اللي جاهز خلاص وقادر يسجل قبل التاريخ ده مش محتاج يعمل البتاع ده .
-4- أسلوبهم في التأكد من صحة الشهادة إنهم بيراسلوا الجامعة مصدر الشهادة يتأكدوا من صحتها، والكلية لازم ترد عليهم أن أوكي.
-5- بعض الكليات بترد من نفسها من غير ماتروح تأكد عليهم ، والبعض الآخر لازم تروح تأكد عليهم وتدفع رسوم مثلا 100 جنيه في جامعة المنصورة ،، باقي الكليات معنديش فكرة ،،، ودي حاجة خطيرة(مش ال100جنيه) ولكن ده معناه إن لو كليتك من النوعية الأخيرة يبقى لازم تكون موجود في مصر أثناء التسجيل في الإيبيك (مش عارف ممكن تبعت حد بالنيابة عنك للكلية ولا لأ )
أخيرا بليز ماحدش يسألني أنا ليه سجلت دلوقتي (أكيد مش كتر فلوس ولا فراغ عاطفي ) مضطر أكيد
ثانيا : الرسوم >>
-1- 125 دولار رسوم إنشاء حساب على الإيبيك .-2- 80 دولار رسوم توثيق الشهادة .
- 3 - 50 دولار رسوم ترجمة الشهادة الكرتون أونلاين من خلال الموقع اللي هم بيحبوه (ستريكر) strakertranslations.com ( بتاخد يوم ونص الترجمة )
-4- بعد كده فيه وبعد ماتوثق الشهادة خلاص وطلبت منهم ريبورت بالنتيجة فيه مصاريف تانية تتراوح من 15 - 35 دولار (دي أنا لسه ماعملتهاش)
ثالثا : الخطوات >>
>>حضر على جهازك الذكي صورة شخصية ألوان + صورة سكانر لجواز السفر( علشان هتعمللهم أبلود أثناء التسجيل على الموقع ).-1- بتدخل على السايت بتاع الإيبيك علشان تعمل أكاونت ، بتملي تفاصيل كتيرة في كذا صفحة ولازم تكون دقيق بالذات في إسمك الإنجلش والتواريخ وخلافه.
-2- أثناء ملء البيانات هيطلب منك إدخال اسم الكلية بتاعتك والمفروض يطلع تحتها العنوان بتاعها أوتوماتيك ع الموقع ، لو ماطلعش حاول تكتب اسمها بشكل تاني (غالبا الاسم اللي بيكون مسجل عندهم هو اسم الكلية الرسمي بالإنجلش بالضبط)
ونفس الكلام ينطبق لما تيجي تدخل بيانات الأماكن اللي انت مرخص فيها (زي وزارة الصحة أو النقابة مثلا).
-3 - بعد الانتهاء من ملء البيانات هيطلعلك ملخص لكل البيانات مع امكانية التعديل فيها.
-4- بعد ماتعمل أبروفال لكل حاجة هيدخلك على صفحة الدفع بالكريديت.
-5- هيجيلك منهم ايميل فورا بعد الدفع أنه بيتم النظر في الأبليكيشن بتاعك وهنرد عليك بعد 3 أيام عمل (ردوا بعد يوم ونص).
-6- هيردوا عليك أوكي أنت برنس بس عايزين نتأكد من شخصيتك وإنك أنت هو هو بعينه صاحب الأبليكشن والفوتو آي دي اللي انت عملتله أبلود 😨،،، للغرض ده هيطلبوا منك تدخل تسجل على موقع اسمه نوتاري كام notarycam.com، بتدخل عليه تسجل بياناتك ، في نفس ذات اللحظة هيردوا عليك يقولولك يالا أوبح نعمل فيديو كول، وهيبعتولك كود للاتصال الآمن على برنامج اسمه زووم ، ولو مش مستعد تعمل المقابلة حالا ممكن تحجز موعد من خلال نفس الإيميل اللي جالك منهم.( آه نسيت لما الايبيك يردوا عليك هيدوك اسم مستخدم وباسوورد مؤقتين بتدخل بيهم صفحتك ع الإيبيك وتدخل تنزل ملف اسمه Epic Identification Form (EIF)، علشان هتحتاجه لما تيجي تسجل على النوتاري كام .
-7- قبل المقابلة جهز معاك الباسبور علشان هتوريهولهم في المقابلة وهتوقع ال EIF اليكترونيا.
-8- بليز اوعى اونت في فورة حماسك تنسى وتعمل المقابلة بالتريننج أو البيجاما.
-9- خلاص عملت الفيديو كول مع النوتاري كام هم فورا بيردوا على الإيبيك أنه تمام والراجل ده طلع هو نفس البرنس بعينه فعلا وبيبعتولهم ال EIF اللي انت وقعتها اليكترونيا .
-10- بعدها علطول الإيبيك بيردوا عليك إنهم استلموا ال EIF من النوتاري وإنهم هيردوا عليك بعد 3 أيام عمل ( ردوا بعد يوم ونص ) .
-11- هيردوا عليك أنه أنت
وفقا لجروب التلجرام
هل المطلوب البكالوريوس واللا الدكتوراة
ردحذفهل المطلوب بيانات البكالوريوس واللا الدكتوراة
ردحذف