بمناسبة الكلام الفاضي اللي عمال يتشير بتاع إن أي دكتور يعمل إمتحان الإنجليزي OET يقدر ييجي يشتغل في إنجلترا
الأول أحب أعرفكم بنفسي علشان ماحدش يطلع زي الخازوق يقولي إنتا دارس الكلام ده قبل ماتقوله ... أنا د. محمد فتوح إستشاري جراحه عامه ومناظير وعضو سابق في مجلس نقابة أطباء القاهره وحاليا مهاجر وعايش وشغال في إنجلترا
مش عايز أصدمكم بس الحقيقة إن الكلام ده مش كلام فاضي ولاحاجه وأي دكتور فعلا يقدر يعمل إمتحان ال OET ويقدر ييجي يشتغل هنا في إنجلترا وأنا إتصلت شخصيا بال GMC النهارده الصبح وإتأكدت من صحة الكلام بنفسي بس بشرط إن اللي بيمتحن يجيب B في كل الأربع أجزاء
الأكتر من كده إن ممكن الدكاترة تيجي من غير إمتحان إنجليزي خالص بس بشرط إنهم ييجوا يقضوا هنا فترة حوالي شهرفي مستشفى من المستشفيات ويمضوله على Assesment form إنه بيتكلم إنجليش لانجويش كويس ويكون معاه شهادات post graduate ينفع تتعادل هنا وبعدين يروح لل GMC وهما هيفحصوا حالته ويقرروا إذا كانوا يسجلوه ولا لأ
السبب في التغييرات الجامده دي إن فيه نقص شديد جدا في الدكاتره هنا في إنجلترا وفي طوارئ مستشفيات بتتقفل ( آه عادي بتتقفل ) وفيه عمليات وعيادات بتتلغي بسبب نقص الدكاتره وده بيخسر المستشفيات هنا فلوس كتير وبيقلل من تقييمهم لو حد عارف نظام ال NHS هنا في إنجلترا
طيب علشان تشتغل هنا كدكتور إنتا محتاج أيه
الأول محتاج تلاقي وظيفه ويكون فيه عرض رسمي من المستشفى بالوظيفه دي وعلشان ده يحصل محتاج تقدم عالوظايف دي عن طريق الويب سايت أو أي طريق تاني ويعملولك Shortlisting وبعدين interview اللي بيكون صعب شويتين ونصه أسئله طبيه ونصه عن حاجات تخص السيستم هنا في إنجلترا ولو نجحت في المقابله دي بيبعتولك عرض رسمي بالوظيفه
بعد كده بتاخد عرض الوظيفه ده وتكون عملت إمتحان الإنجليزي بالدرجات المطلوبة وشهاداتك المترجمه وشهادة حسن سير وسلوك بالإنجليزي من النقابة في مصر وتروح بيهم ال GMC هيعملولك مقابله شخصيه ولو ربنا وفق هيسجلولك ويدوك تصريح مزاولة المهنه
المستشفى اللي عايزاك بعد التسجيل بتعملك جواب SPONCER وتروح تاخد بيه الفيزا من مكتب الفيزات اللي تبع القنصليه البريطانيه في مصر وتحجز تذكرتك وتيجي وماتنساش تطلع فيش وتشبيه في مصر وتترجمه علشان ساعات بيطلبوه هنا
الموضوع ده بياخد من 3 ل 6 شهور على الاقل من اول لما تنجح في ال Interview لأنهم هنا بطاء ومملين وروتينيين أنيل من أنيل موظف في مجمع التحرير (تقريبا إحنا واخدين الروتين منهم )
فيه شركة تشغيل أطباء في مصر إنتبهت للموضوع ده بدري وعملوا إتفاقيات مع بعض المستشفيات هنا في إنجلترا إنهم يوفروا دكاتره في التخصصات الناقصه عندهم وفعلا في بعض الأطباء من مصر عملوا إنترفيوهات وإتاخدوا ودلوقتي الشركه بتساعدهم يخلصوا التسجيل والفيزا وقربوا ييجوا يشتغلوا فعلا بس طبعا كله بحسابه ( اللي مش كتير قوي على فكره )
أيه المطلوب منك دلوقتي
إنك تخلص شهاداتك اللي بتعملها سواء مصريه أو أجنبيه والأفضل طبعا تكون زمالات بريطانيه وتبتدي تذاكر علشان إمتحان الأيلتس او ال OET لأنه أكيد مش هيتحل لوحده وتحوش فلوس كتير شويتين علشان الفيزا والتذكره ولو هتدفع للشركه وتتكل على الله وتيجي
المزايا هنا إنتوا كلكوا عارفينها ... إنك هتعيش وهتتعامل كبني آدم وهتشتغل في مكان نضيف وهتحس إنك دكتور بجد وبتفهم ( شوف حكمة ربنا ) وهتربي ولادك وهتعلمهم في بيئه نضيفه وهتفتح لنفسك ولولادك فرص كتير ماكنتش تحلم بيها بس لو إجتهدت
العيوب بقى إنك رغم إنك هتاخد فلوس كتير لو حسبتها بالمصري بس لما تيجي هنا هتكتشف إنها يادوبك هتكفيك سكن وأكل وشرب وتنقلات وهتضطر تعمل شغل زياده علشان تجيب فلوس للأجازات والفسح ( لو عايز تحوش فلوس إطلع عالسعوديه او الخليج ماتجيش هنا ) .... العيب التاني إنك بعد ماتخلص الصدمه الحضاريه اللي هتحس بيها في الأول هتكتشف إن الشغل كتير فشخ وممكن يكون ممل ومكرر وحياتك هتبقى شغل وبس ... ثالثا وده الأهم الجو هنا زي الخره وطول السنه برد ومطر وغيمه وحاجه تقرف ولاهتعرف تتفسح ولاتستمتع بالمناظر الحلوه ولا تخرج تشيش بالليل ولاحاجه وهتفضل محبوس في البيت بعد الشغل زي البوبي وهتصرف فلوس كتير عالأجازات وخصوصا بعد ماولاد العبيطه (الله يخرب بيوتهم ) مارفعوا الضريبه على اي تذكرة طيران لمصر لدرجة إنها بقت أكتر من ضعف تمن تذكرة الصين اللي بعدينا ب 10 ساعات
النتيجه إن اللي عايز ييجي يشتغل دكتور هنا في إنجلترا هيقدر ييجي بس المهم يشتغل على نفسه علشان يستوفى المعايير بتاعتهم زي ماناس كتير عملتها قبل كده
ياللا بقى شدوا حيلكم يارجاله عايزين نغزو إنجلترا بالدكاتره بتاعتنا ونقلب النظام الصحي في إنجلترا لحاجه عظيمه كده زي بتاعة مصر
بالتوفيق ياشباب
المصدر
Mohamed Fatouh Mohamed Awad
الأول أحب أعرفكم بنفسي علشان ماحدش يطلع زي الخازوق يقولي إنتا دارس الكلام ده قبل ماتقوله ... أنا د. محمد فتوح إستشاري جراحه عامه ومناظير وعضو سابق في مجلس نقابة أطباء القاهره وحاليا مهاجر وعايش وشغال في إنجلترا
مش عايز أصدمكم بس الحقيقة إن الكلام ده مش كلام فاضي ولاحاجه وأي دكتور فعلا يقدر يعمل إمتحان ال OET ويقدر ييجي يشتغل هنا في إنجلترا وأنا إتصلت شخصيا بال GMC النهارده الصبح وإتأكدت من صحة الكلام بنفسي بس بشرط إن اللي بيمتحن يجيب B في كل الأربع أجزاء
الأكتر من كده إن ممكن الدكاترة تيجي من غير إمتحان إنجليزي خالص بس بشرط إنهم ييجوا يقضوا هنا فترة حوالي شهرفي مستشفى من المستشفيات ويمضوله على Assesment form إنه بيتكلم إنجليش لانجويش كويس ويكون معاه شهادات post graduate ينفع تتعادل هنا وبعدين يروح لل GMC وهما هيفحصوا حالته ويقرروا إذا كانوا يسجلوه ولا لأ
السبب في التغييرات الجامده دي إن فيه نقص شديد جدا في الدكاتره هنا في إنجلترا وفي طوارئ مستشفيات بتتقفل ( آه عادي بتتقفل ) وفيه عمليات وعيادات بتتلغي بسبب نقص الدكاتره وده بيخسر المستشفيات هنا فلوس كتير وبيقلل من تقييمهم لو حد عارف نظام ال NHS هنا في إنجلترا
طيب علشان تشتغل هنا كدكتور إنتا محتاج أيه
الأول محتاج تلاقي وظيفه ويكون فيه عرض رسمي من المستشفى بالوظيفه دي وعلشان ده يحصل محتاج تقدم عالوظايف دي عن طريق الويب سايت أو أي طريق تاني ويعملولك Shortlisting وبعدين interview اللي بيكون صعب شويتين ونصه أسئله طبيه ونصه عن حاجات تخص السيستم هنا في إنجلترا ولو نجحت في المقابله دي بيبعتولك عرض رسمي بالوظيفه
بعد كده بتاخد عرض الوظيفه ده وتكون عملت إمتحان الإنجليزي بالدرجات المطلوبة وشهاداتك المترجمه وشهادة حسن سير وسلوك بالإنجليزي من النقابة في مصر وتروح بيهم ال GMC هيعملولك مقابله شخصيه ولو ربنا وفق هيسجلولك ويدوك تصريح مزاولة المهنه
المستشفى اللي عايزاك بعد التسجيل بتعملك جواب SPONCER وتروح تاخد بيه الفيزا من مكتب الفيزات اللي تبع القنصليه البريطانيه في مصر وتحجز تذكرتك وتيجي وماتنساش تطلع فيش وتشبيه في مصر وتترجمه علشان ساعات بيطلبوه هنا
الموضوع ده بياخد من 3 ل 6 شهور على الاقل من اول لما تنجح في ال Interview لأنهم هنا بطاء ومملين وروتينيين أنيل من أنيل موظف في مجمع التحرير (تقريبا إحنا واخدين الروتين منهم )
فيه شركة تشغيل أطباء في مصر إنتبهت للموضوع ده بدري وعملوا إتفاقيات مع بعض المستشفيات هنا في إنجلترا إنهم يوفروا دكاتره في التخصصات الناقصه عندهم وفعلا في بعض الأطباء من مصر عملوا إنترفيوهات وإتاخدوا ودلوقتي الشركه بتساعدهم يخلصوا التسجيل والفيزا وقربوا ييجوا يشتغلوا فعلا بس طبعا كله بحسابه ( اللي مش كتير قوي على فكره )
أيه المطلوب منك دلوقتي
إنك تخلص شهاداتك اللي بتعملها سواء مصريه أو أجنبيه والأفضل طبعا تكون زمالات بريطانيه وتبتدي تذاكر علشان إمتحان الأيلتس او ال OET لأنه أكيد مش هيتحل لوحده وتحوش فلوس كتير شويتين علشان الفيزا والتذكره ولو هتدفع للشركه وتتكل على الله وتيجي
المزايا هنا إنتوا كلكوا عارفينها ... إنك هتعيش وهتتعامل كبني آدم وهتشتغل في مكان نضيف وهتحس إنك دكتور بجد وبتفهم ( شوف حكمة ربنا ) وهتربي ولادك وهتعلمهم في بيئه نضيفه وهتفتح لنفسك ولولادك فرص كتير ماكنتش تحلم بيها بس لو إجتهدت
العيوب بقى إنك رغم إنك هتاخد فلوس كتير لو حسبتها بالمصري بس لما تيجي هنا هتكتشف إنها يادوبك هتكفيك سكن وأكل وشرب وتنقلات وهتضطر تعمل شغل زياده علشان تجيب فلوس للأجازات والفسح ( لو عايز تحوش فلوس إطلع عالسعوديه او الخليج ماتجيش هنا ) .... العيب التاني إنك بعد ماتخلص الصدمه الحضاريه اللي هتحس بيها في الأول هتكتشف إن الشغل كتير فشخ وممكن يكون ممل ومكرر وحياتك هتبقى شغل وبس ... ثالثا وده الأهم الجو هنا زي الخره وطول السنه برد ومطر وغيمه وحاجه تقرف ولاهتعرف تتفسح ولاتستمتع بالمناظر الحلوه ولا تخرج تشيش بالليل ولاحاجه وهتفضل محبوس في البيت بعد الشغل زي البوبي وهتصرف فلوس كتير عالأجازات وخصوصا بعد ماولاد العبيطه (الله يخرب بيوتهم ) مارفعوا الضريبه على اي تذكرة طيران لمصر لدرجة إنها بقت أكتر من ضعف تمن تذكرة الصين اللي بعدينا ب 10 ساعات
النتيجه إن اللي عايز ييجي يشتغل دكتور هنا في إنجلترا هيقدر ييجي بس المهم يشتغل على نفسه علشان يستوفى المعايير بتاعتهم زي ماناس كتير عملتها قبل كده
ياللا بقى شدوا حيلكم يارجاله عايزين نغزو إنجلترا بالدكاتره بتاعتنا ونقلب النظام الصحي في إنجلترا لحاجه عظيمه كده زي بتاعة مصر
بالتوفيق ياشباب
المصدر
Mohamed Fatouh Mohamed Awad
بعد اذنك بالنسبه لامتحان ال oet بيبقي بأي لهجه UK / US ??و كذلك الايلتس ؟؟
ردحذفuk طبعااااا
حذفطيب ايه الشركات دى يا دكتور اعرفها ازاى ؟
ردحذف