هذه هي الأوراق المطلوبة للعمل بجزر المالديف .ك طبيب

بالنسبة للمصريين فقط لازم حضرتك تكون متخرج من الجامعات المعترف بيها هنا فى المالديف .. عين شمس - القاهرة - اسكندرية - الزقازيق - المنصورة - الأزهر بكل فروعه .. أى جامعة تانية للاسف مش بيقبلوا خريجينها لحد ما ربنا ييسر ويرجعوا عن القرار ده

1 - شهادة الثانوية العامة انجليزى أو أيلتس 6 أو تويفل 600 حتى لو محلى .. أى شهادة من التلاتة بتتقبل عادى

2 - شهادة البكالريوس انجليزى

3 - شهادة الامتياز انجليزى وطبعا مكتوب فيها الاقسام اللى اشتغلت فيها ولا تقل عن 12 شهر

4 - ترخيص مزاولة المهنة بالانجليزى ودا بيتعمل من مبنى المعامل المركزية جنب وزارة الصحة

5 - شهادة خبرة بالانجليزى بفترة لا تقل سنتين غير الامتياز .. وميكونش فيها فترات واقعة .. اى gap ممكن يعطل الورق .. وممكن لو سنة خبرة بس تمشى برضة

6 - شهادة Good Standing من النقابة بالانجليزى

7 - سيرة ذاتية أو CV

8 - صورة شخصية بخلفية بيضة

9 - صورة باسبور واضحة .. وطبعا يكون سارى

10 - فيش وتشبيه .. بيتعمل عربى وتوثقه خارجية وتترجمه ( متعملوش خالص الا لما يجيلك العقد باذن الله ( 1 / 9 / 2018 )

11 - بيو داتا فورم Biodata form ( اتلغت حاليا )

12 - فورم اسمها Preregisteration form

13 - طلب توظيف Job Application

14 - اخر فورم Letter of awareness أو No objection letter

كل ما يخص الفورمات من 11 ل 14 فى البوست ده .. حتجيبهم منين؟ بص فى البوست بس =D =Dhttps://www.facebook.com/download/1787325911316368/Forms.pdf?hash=AcpptO4mYn7DDveV

الأوراق اللى فاتت دى كلها مطلوبة للممارس العام والاخصائى على حد سواء لكن بالنسبة للاخصائى يزيد عليه التالى

15 - شهادة اخصائى من النقابة بالانجليزى

16 - بيان درجات الماستر انجليزى

17 - شهادة الماستر بالانجليزى

** الدبلومات والزمالات والبوردات للاسف مش بيقبلوها ومعندهمش اى مرونة

*** الدكتوراة مقبولة بشرط ان الطبيب ياخد نفس الراتب ويشتغل شغل السيد الاخصائى لكنهم مش بيفضلوها لان غالبا السادة الاستشاريين بيعتبروا الراتب قليل بالنسبالهم .. فاللى حابب اهلا وسهلا

18 - لوج بوك ان وّجد ( بيزود فرص الاخصائيين فى القبول )

الناس اللى معاها دبلومات او زمالات على راسنا من فوق والله وحبايبنا .. انا بكلم حضراتكم بموجب قرار المجلس الطبى هنا ورؤيتهم وليس رأيى الشخصى .. كلكم اخواتنا وعلى راسى من فوق .. ولو أعرف اللوج بوك بيتعمل ازاى مش حخبى عليكم والله <3 .. فبلاش السؤال الصعب ده =D =D

** الناس اللى بكالريوسها من جامعات غير المعترف بيها حتى الان مفيش امل .. الا لو رجعوا عن هذا القرار .. ولو رجعوا حنعلن باذن الله

المصدر : دكتور هيثم الشيال 

Share on Google Plus

About Dr. Ammar Khalil

د.عمار خليل : أخصائي أمراض الباطنة العامة ( ماجستير القصر العيني ) وعضو الجمعية المصرية للتعليم الطبي المستمر والجمعية المصرية للسكر ودهنيات الدم، نتابع أمراض الكبد والجهاز الهضمي ، أمراض القلب وضغط الدم