ايه هى القشره :--
اولا القشره عباره عن قشور بيضاء اللون و فى الاغلب بيصاحبها هرش فى فروه الراس
تعالو نعرف بتتكون ازاى
1- فى الطبيعى خلايا الجلد بتتجدد كل 25 ل 30 يوم و الجسم بيقوم بالتخلص من الخلايا الميته طب ايه علاقه الكلام ده بالقشره لو حصلت حاجه تخلى الخلايا تتجدد بشكل اسرع فالجسم مش هيقدر يتخلص من الخلايا الميته و بالتالى هتتراكم وتسبب القشره
2- خلايا فروه الراس بتفرز ال sebium و ده حاجه طبيعيه بتقاوم كل انواع الميكروبات
طيب المشكله بتظهر امتى لما يجى فطر ال Malassezia species وده بيقدر يقاوم ال sebium وفى نفس الوقت بيسرع معدل تجدد خلايا البشره لمده تصل لاسبوع او 10 ايام وبالتالى الجسم مش بيلحق يتخلص من الخلايا الميته فبتتكون القشره
______________________
طيب ايه العوامل الى بتسبب حدوث القشره :-
1-استخدام الماء الساخن في غسل الشعر يؤدي إلى زيادة قشرة الشعر
2-ترك الشعر فتره كبيره بدون غسيل يؤدى لجفاف فروة الرأس والجفاف هو السبب الاشهر للقشره
3-بعض بالأمراض زى الصدفية والأكزيما ممكن تسبب قشره
4- البشره الدهنيه
5-عدم تعريض الشعر لأشعة الشمس
6-ضعف المناعه
7- stress
___________________
طب نعالجها ازاى :-
فى البدايه كده العلاج بيتكون من كورتيزون موضعى علشان يقلل الالتهابات والحكه زى موميتازون او بيتاميثازون زى borgasone او betnovate scalp + سالسيلك اسيد salicylic acid + اى شامبو للقشره وهنتكلم عنهم بالتفصيل تحت + بعض النصائح الى هنمشى عليها علشان نقلل القشره :-
1-الغسل المنتظم لفروة الرأس بحيث لا تزيد عن مرتين أسبوعيًا وخاصة للبشرة الدهنية التي تعاني من الأتربة والتلوث
2-تأكد من شطف شعرك بالماء جيدًا لإزالة أثار الشامبو الذي يمكن أن يسبب تهيج فروة الرأس
3-بعد غسيل الشعر يجب تسريحه جيدًا حتى يتم تنشيط فروة الرأس بحيث تقوم بتغذية الشعر حتى أطرافه
4 - يمكن ان يكون الوقوع تحت ضغط الحياة الشديد سبب من أسباب التعرض للقشرة لذلك حاول أن تقلل من الغضب والتخلص من مشاكل الحياة أولًا بأول وتعلم إدارة الضغوط
5-من أهم الأشياء التي تجعلك تتجنب القشرة هو التخلي عن المستحضرات التي تساعدك في الحصول على شكل معين للشعر مثل مستحضرات التثبيت زى الجيل
___________________
تعالوا نتكلم عن شامبوهات القشره :-
1- ketoconazole shampoo
ده شامبو مضاد للفطريات بيستعمل يوم بعد يوم و ده موجود فى ال nizoral و ال nizapex شامبو
2- selenium sulfide
ده بيقلل موت خلايا البشره فبيساعد الجسم يتخلص من الخلايا الى ماتت بسرعه وده موجود فى seleno care shampoo و selsen blue shampoo و بيستعمل يوم بعد يوم بردو
3- Pyrithione zinc
ده مضاد للفطريات و البكتريا و ممكن نستعمله كل يوم عادى و ده موجود فى head and shoulders shampoo
4- coal tar
وده بيقلل موت الخلايا فبيساعد الجسم يقلل القشره وده موجود فى poly tar shampoo و nice hair shampoo
5- salicylic acid
وده بيقشر خلايا الجلد الميته وموجود فى ال
nice hair shampoo
____________________
تعالو نتكلم على بعض الحاجات الطبيعيه البسيطه جدا الى هتساعد فى العلاج :- هنتعمل حاجه واحده من دول بس
1-هنجيب لمونه ونعصرها فى كوب ماء وندعك بيها فروه الراس ، الحموضه بتاعه الليمونه هتساعد على وقف نمو الفطر 🍋🍊
2- خل التفاح هنخلطه بالماء بكميات متساوية، ونغسل الشعر به ويترك لمدة ربع ساعة مع التدليك الجيد بعدين نغسل الشعر كويس بالماء
3- ممكن نستعمل ال baking soda بيكنج صودا ،
هنبل الشعر وبعدين نفرك البيكنج صودا فى الفروه لمده ٣ دقايق بعدين نغسلها لانها بتساعد على وقف نشاط الفطر
من حائط :: Emad Ezzat
0 التعليقات :
إرسال تعليق